十幾年前識阿駿都知佢鍾意畫公仔同儲 figure, 近年佢仲自己整公仔. 頭先佢帶咗佢最近嘅大作 Rocky Forester 嚟我屋企叫我幫佢影相, 仲叫我幫佢整個 blog. 另外, 順便同阿賢響我屋企打 Gears Of War 啦!!!
佢呢個公仔雖然唔係由零開始整, 但真係整得幾好, 起碼以我外行人嘅眼光係咁認為, 唯一少少唔好係個樣似鐵人兄弟, 少咗個人風格. 公仔個主題係行山, 因為最近佢好勁, 完成咗毅行者. 據佢講呢個系列佢會整四隻, 第二隻工程正在進行中, 仲打算以我個樣做藍本, 因為呢隻係行山影相.
講開行山影相都有成年冇去, 自從上次上二東山唔舒服就有陰影, 前兩年仲話想行哂麥理浩徑... 唉...
自從用咗 Picasa Web Albums 後覺得唔錯, 頭先仲比錢 upgrade 到 6.5GB 容量, 大約 $200 一年. 我打算將自家用 server 相簿慢慢搬過去然後摺埋佢, 因為速度唔理想仲要成日開住部 iMac G4.
至於部 Pentax K10D, 我就真係勁鍾意, 成日都想帶佢出街. 佢雖然唔係真係誇到可以用咩畫質革命嚟形容, 但色水真係幾啱我口味.
沒有留言:
發佈留言