勾叉歪入手

諗咗好耐終於買埋最後要買嘅 ultra wide, 之前諗 DA 14mm F2.8 ED [IF] 同 DA 12-24mm F4 ED AL [IF] 諗到頭都爆.

做咗啲 research 同參考吓 dchome 啲大哥嘅意見後, 都係偏向 DA12-24 多啲. 其實頭先響永成試過全旺角一千零一支 DA14, 響扑鎚果吓暫時轉軚揀佢. 不過真係天意, 呢支鏡近邊位有啲好似唔知 bubble 定 crack 嘅嘢, 要開光圈葉先見到... 所以最後都係 DA12-24, 比升咗價嘅 DA14 貴差唔多 $1000. 支鏡嘅 comments 暫時冇乜, 只係求其落街響黃甘甘嘅街燈下打咗幾張. 初部感覺真係好 wide, 好正!! 但比較易有光班, 你地都知我不嬲唔落 filter 啦, 都有!

第二樣就係 viewfinder 放大器, 雖然只係放大少少, 但個人覺得感覺已經唔同. 之前響鐳射試過 D80 同 D200 個 viewfinder 又大又光好難忘, 而家終於都好似!! $260 就見仁見智.

自入笨仔就括咗出去, 之前用 KM 都冇咁積極買架生嘅! 無他嘅... 一來 K10D 實在太正, 仲有 FA 同 DA 嘅 Limited 鏡成像鏡身質感超班, 簡直係精品!! 同埋我最 concern 嘅色水好啱我口味!!

暫時唔會添架生住, 因為對我嚟講算齊焦段 (12-14, 18-55, 28, 40, 43, 70-300). 呢三個月使咗好多錢落相機度要停一停回一回氣先!!

下次如果再入希望係至尊三寶嘅 FA31mm f/1.8 Limited 跟住 FA77mm f/1.8 Limited.

Post 啲黃甘甘嘅 samples 響 DA12-24 區!!

幫阿駿整咗個叫叢林者嘅 blog, 雖然只係初型, 但都有少少嘢睇嘅. 本來想遲少少先公佈, 但佢成日響電話同我講條 link 唔得, 最慘佢部腦個 WinXP 又瓜咗, 想 send 條 link 比佢都唔得...