平安夜

超過兩年冇響屋企燒嘢食, 今次詢眾要求. 成十人左右響天台 BBQ 兼打麻雀, 熱鬧非常!! 今次仲有離開我公司去咗當差嘅豪仔, 聽佢講咗啲警察學院嘅點滴, 既多嘢學人工又唔錯, 絕對唔後悔!! 呢次 BBQ 佢仲遇到 Kori 啱啱響加拿大返嚟識法文嘅朋友阿珊同 Catherine 嘅死黨兼抬拳道黑帶嘅 Kitty, 啱哂佢咀型. 有樣攪笑嘢就係幾個大男人起爐起咗成個半鐘先起到, 歸根究底應該係用咗我兩年幾前用淨嘅灰先攪成咁. 呢次 BBQ 最功不可沒就係負責凍肉同紅酒嘅 Andy, 仲有當然唔少得 Kitty 嘅士多啤梨芝士蛋糕同楊枝金露.

咁耐都冇響屋企攪 BBQ 主要係玩先要洗餐死, 今次都唔例外... 有輕微潔癖嘅我堅持洗哂所有嘢先肯瞓, 洗到三點半, 第二朝仲要七點半起身返工!! 好彩我份工唔辛苦...

最後睇吓日本著名數碼相機網站 DC Watch 嘅 2006 年人氣 DSLR & DC 投票結果.