耳筒

我用第一隻 Shure headphone 係 E3c, 除價錢同 bass 爭少少外真係唔錯, 不過最後我賣咗, 因為佢係好但唔係好到要用成千三蚊買, 加上賣返出去仲可以值成千蚊. 之後就用隻百零蚊嘅 Panasonic HJE-50 用算, 以呢個價錢嚟講算係咁, 只係炸得勁會有少少拆... iPod 換電重生後索性唔用由 day 1 開始用嘅矽膠套轉用 iPod socks, 唔用矽膠套嘅 iPod 真係靚好多好. 不過條 remote 線啱啱又壞咗我唔再買, 用 Panasonic 條 extension cable 算, 一用之下唔知點解啲聲唔同哂兼細聲咗... 我又身痕想買返 Shure, 本應想直上 E4c, 冷靜落嚟都係 E2c 算! 講返隻 E2c, 我比 85 分, 帶得比 E3c 舒服, bass 勁啲但分析力就明顯差, E3c 可以好清楚聽到每樣樂器同每一粒音, 佢唔知係唔係 bass 較大變咗冇咁清. 我知呢個世界冇完美嘅嘢, 所以我幾滿意!! 聽 rock 一流.

Catherine 話想買個聽得 MP3 同 radio 嘅 bluetooth headset, 揀咗好耐揀咗一隻我唔係好鍾意嘅牌子 i.Tech 亦即係 Touch 嘅 Clip Radio. 呢隻牌子其實係土炮嘢, 係屬於和黃. 以往用呢個牌子有啲唔太好嘅經歷例如條線易斷同保養期内要比錢一換一... 不過合 Catherine 要求別無他選. 我地一人一隻, 初部覺得 OK, radio 接收一般, 但將之前響 iPod 用嘅 Panasonic 插落去無論 MP3 同 radio 音質都唔錯, 唯獨是 connect 我部 K800i 好多時 play MP3 stop 咗再 play 係 play 唔返, 要 reboot 部 K800i, 好煩!! 唔知係 K800i 定 bluetooth headset 問題??

大家可能好奇怪點解我咁鍾意打機又冇乜點提 Sony PS3, 原因係要換部有 HDMI 嘅 LCD 電視同冇乜 games 吸引我, 只有 Virtua Fighter 5 我係極之想玩, 而家連唯一嘅理由都冇埋, 因為 Virtua Fighter 5 再唔係 PS3 獨家, XBOX 360 響夏天左右有得玩, yeah!!

終於都食咗聖誕聚餐, 大家交換咗禮物好開心, 值得一提係 Judy 整咗啲曲奇比我地, 似模似樣, 真係掂!!