有性格

睇過吓教主 iPhone 個 keynote 後, 我覺得呢部 iPhone 未必會成功, 但一定係一個革命, 至少對行 Windows Mobile 嘅 PPC phone 嚟講.

講開 Apple 就聯想起差唔多日日跟住我嘅 iPod, 呢兩年我留意咗佢一啲嘢... 不如講吓我而家嘅聽歌習慣先... 自從出咗 iPod Shuffle 後, 教主用佢個 slogon "Life Is Random" 教識我 playback 用 shuffle mode. 在此之前, 我比較鍾意 playback 我喜歡嘅 playlist, 咁講嘅係話 20GB 嘅 MP3, 即係大約三千幾四千首歌我可能成日都係聽果幾十首, 有時都幾悶... 自 iPod Shuffle 後, random 三千幾四千首歌真係好過瘾好新鮮!! 好多時仲聽到啲平時 miss 咗冇聽過嘅正歌添!! 講返正題, 我呢部 iPod 係好有性格, 就算 random playback 咁多歌, 有啲歌佢總係會成日播, 有啲就永遠都唔播, 佢似乎有佢自己嘅心水選擇... 而家我好多時都 skip 咗佢啲心頭好... 哈哈!!

NDS 人氣大作三國志大戰 DS 頭先一出即刻有 ROM download, 好彩我 EZ4 Lite 都玩到, 只不過唔識玩, 睇嚟要問吓專家阿高, 身為超級 fans 嘅佢最終都係忍唔住買咗機.

星期四應該又會同阿賢去影相, 諗住叫埋細佬, 因為佢比我毒到買咗部 Pentax K100D. 可能有人會奇怪點解會玩啲咁冷門嘅牌子?? 原因係冇錢買 Canon 同 Nikon 啲防震同高級鏡; 第二我勁鍾意 Pentax 啲色水; 第三就係愛上佢啲同精品一樣嘅 Limited 定焦鏡. 有朋友話玩啲咁冷門嘅牌子好難問朋友借鏡, 老實講我唔會問人借亦唔鍾意借比人. 順帶一提早幾日 update 完 K10D 個 leaked 版 firmware, 今日終於 official released!! 雖然兩者 confirm 咗係一樣, 我都 flash 咗 official 果個一次. 呢次更新係 v1.10, 更新內容主要係 internal flash 可 wireless 引發 external flash, 勁正!! 然後就係成像有所提升, 尤其是長時間曝光同高 ISO. 仲有一樣對我好有用就係響光圈先決同快門先決可用 dial 轉 ISO, 真係非常方便呀!!! 有啲人認為 K10D 比 K100D 主要係多 weather seal, 功能差唔多... 其實唔計功能, 淨係操控已經差好遠, update 到 v1.10 操控更正, 阿賢之前用被稱為最強機身操控o既 Konica Minolta Dynax 7D 直頭話如果連內閃輸出都唔使入 menu set 就同 7D 無異.