激動

睇完 Rocky Balboa 只可以用激動嚟型容, 臨尾仲睇到眼濕濕. Rocky 係我其中一個喜歡嘅電影系列, 尤其是最煽情嘅 Rocky IV. 有生以嚟睇過兩套戲係睇到全場拍掌, Rocky IV 係其中一套!! 邊個位拍掌?? 就第一次打到蘇聯佬爆肛果吓... 第二套睇到拍掌就係 Rambo: First Blood Part II, 以我所知 2008 年又有續篇!

如之前計劃一樣去外影, 呢次係昂平 360, 影咗半日影到不亦樂乎!! 同濕地公園果日一樣一開始陰陰地天, 影吓影吓又見藍, 實在太好!! 至於今次所品就只係一般... 最開心嘅係同海傑佢地成班一行十人到好耐冇去嘅新星海鮮火鍋酒家打邊爐, 勁滿足!! 不過冇咗 Catherine 最鍾意食嘅南乳雞翼...