零食

最近勁鍾意食包裝栗子, 響優之良品同零食物語都有得賣, 佢地賣嘅係唔同牌子, 但口感味道完全一樣.

至於部行 Symbian UIQ 3.0 嘅 Sony Ericsson W950i 用咗個幾星期大致良好. 由於 update 咗 firmware version 到最新 R9EC001, 以往響網上成日聽到唔穩定嘅情況未出現過... 仲有我連網友極力推介嘅 Swiss Manager Pro 同 Tweak Peak 都冇裝到, hang 機同拖慢都冇, 可能我主要當佢係一部有 PIM 嘅電話同 mp3 player 咁用, 而唔會比佢沉重嘅工作, 另外定時清除記憶體都係好重要嘅秘決.

同 Windows Mobile 5.0 比較, 我都係鍾意用 WM 5 多啲, 可能習慣問題. 正如好多人咁認為, Symbian 係電話加 PDA function, WM 5 係 PDA 加電話 function. Symbian UIQ 3 冇乜 software 好裝, 好彩 PDA 我主打係用 Softbank, 如果唔係一定用得唔開心. 對於部機, 唔鍾意係除咗少 software 外, 用電話最常用嘅筆劃輸入法明顯冇普通電話好用, 鍾意打中文 SMS 就冇咁好. 仲有由於主題 (theme) 係有自己獨立鈴聲, 變咗每次轉親主題都要 set 過響預設鬧鐘同短訊鈴聲, 好麻煩!! 原裝 handfree 個樣亦都好正但佢收音對背境聲太敏感, 好多時人地比較難聽到我講乜...

優點就係無論外型同 Walkman 2.0 介面都好正尤其是個播放效果連 Today 畫面都有得睇, 仲有內置 4GB 真係夠哂聽一日, 雖然只夠放重點想聽嘅歌, 但喪聽冇咁快 repeat. 至於電量, 正常用唔點聽歌可用兩日多, 喪聽四五個鐘加 standby 十二個鐘都仲有一半電, 不過不失啦!