Janice 第一次演唱會, 亦係 Catherine 第一次同我睇嘅演唱會. 差唔多三年冇睇過, 都幾開心. 至於個演唱會就中規中矩, 完全係慳皮之作, 成隊 band 得果五丁友, 仲要 chorus 都冇, 得 Joey Tang 唱埋. Janice 唱 Live 真係幾掂!! 只係唱低音有時有少少失準. 最攪笑唔知係佢唔太識講中文定點, 啲台詞同黎明講嘢一樣咁無厘頭. 仲有佢有一度過場播咗佢同阿妹 Jill 響六歲唱歌嘅 video, 好可愛!! 個演唱會唯一唔滿意係冇 encore, 8:45pm 開 10:45pm 完, 有啲搵笨!! 不過算啦... 鬼叫 Janice 係近期唯一一個唱歌令我無管楝嘅女歌手, 就算同樣我欣賞嘅容祖兒同關心妍都比唔到呢啲感覺我. 其實啲人成日話人話人唱得難聽令人無管楝係錯嘅, 我嘅經驗係聽到感動先會!!呢年幾成日勁煲 Janice 同側田, 雖然佢地歌唔多, 但正所謂百聽不厭, 真係好正!!
2 則留言:
但雜誌就寫得好鬼差，其實我都好鍾意janice，但無買飛去睇，聽完你咁講，我都相信雜誌係煲野，因為近年黎除左joey之外，無乜女歌星我覺得係掂....
第一次 concert 算係咁, 如果以聽歌嘅心態係幾正. Catherine 個客有免費飛, 第 20 行, 正!!
發佈留言