呢個世界上冇乜嘢比返到屋企嘅感覺好!!睇完英勇殉職嘅消防員黃家熙嘅 blog 同佢家人返現場祭佢大家抱頭痛哭嘅情景, 個心不其然酸溜溜... 雖然我地唔相識, 但係都有啲唔開心. 其實呢啲咁無常嘅嘢成日都發生, 咁感觸係可能佢好後生同大家都有寫 blog 嘅習慣. 呢兩日佢個 blog 好多人 (包括我) 留言, 大家潛意識都認為佢在天之靈都會睇. 世事就係咁無常, 佢最後 post 嘅嘢只係幾日前... 希望佢啲家人朋友同事早日節哀變, 呢啲咁突如其來嘅嘢真係好難令人接受...
人類雖然係萬物之靈, 但真係既渺少兼脆弱...
好記得好耐之前有一次某經理 briefing 關於工傷叫我地小心做嘢, 唔好整親因為屋企有人等緊我地返去. 唔知點解呢番說話對我嚟講好震憾! 一來我好認同, 二來估唔到佢會講啲咁感性嘅嘢...
安息吧!! May God be with You!!
3 則留言:
他是我xbf的同事，因我xbf同樣是守荃灣局，事發後第2日，我即時致電給我的xbf看看他有沒有事，原來他在第2天才上班，世事真的無常，或許有可能是我的xbf出事，雖然這7年內大家已沒有見面，只是在web cam or 3G 見面，但大家都有一份友情，所以，我會珍惜呢位forever fd，亞亮，我都會珍惜你呢位超攪笑的fd......
點解超攪笑?? 因為我可以唱 Bee Gees 唱到一模一樣???
Ha Ha Ha Ha... Staying alive...
吉蒂說: "................"
發佈留言