五點零鐘去攞車都係到貨冇耐, 箱都未開!! 話時話部車芒果黃襯黑真係幾靚, 摺得埋令我諗起同樣黃色嘅博派大黃蜂. 試吓呢樣試吓果樣又 set 吓嘢等埋蘿蔔響大埔飛車出嚟都要七點幾先走得. 冇記錯冇踩單車起碼十年, 一上車真係有啲驚, 踩起上嚟又唔多大膽, 過啲窄位又好驚炒... 有蘿蔔陪住由沙田返馬鞍山都好快, 趕得切到今晚響海港嘅雙方家長飯局. 講開佢架 customize 咗嘅黑色 Dahon Jetstream XP 都好正, 不過最鍾意反而係佢啲 accessories, 學佢話齋又係一個無底深淵... 我諗我就算改都係重量同外觀為主吧, performance 我冇乜要求.
摺車真係正!! 摺埋拎上酒樓就攪掂!! 不過都咪話, 其實都幾重!! 聽日就用個專為佢而設嘅 cheap 雞袋帶佢去東涌踩吓順便影相, 又單車又相機真係幾攞命, 鬼叫我鍾意咩...
沒有留言:
發佈留言