午夜行

趁長假結束前爭取時間踩多啲車同寫多啲 blog!!

沉晚 12:00AM 一個人出車走轉大埔, 夜係夜啲, 但勝在冇乜人同冇咁熱. 呢個鐘數沿途真係小貓三兩隻, 不過點都好過條路勁多人, 尤其是租車黨, 你唔炒人但人地炒自己, 架車因為咁而有咩損傷就真係好唔抵!! 一個人咁夜踩其實都幾悶, 有多個一齊踩一齊吹水, 攰就坐響路邊飲吓啤酒吹吓水不知幾爽!! Kamen Rider 原來真係孤獨嘅...

我呢啲慢轆人, 由屋企到大埔要九個字, 相比人地半粒鐘或更少真係差太遠... 要操多啲體能先得!!

好彩沉晚出咗車, 瞓醒到而家雨未停過... 係時候收拾心情聽日第一日上工!! 放得假多真係唔想比佢停...