同阿賢約去澳門影世界文化遺產都約咗大半年, 終於成團!! 澳門歷史文物保育做得比香港好好多, 雖然果啲古蹟文物對於響果度長大嘅我嚟講冇乜特別, 不過知道有好多閒閒地有二三百年歷史真係不得了!! 行程第二個目的係參觀新開張嘅威尼斯人渡假村, 呢度真係不枉此行!! 同東京台場 Venus Fort 相似嘅天幕商場, 面積同環境比 Venus Fort 有過之而無不及. 商場內有運河同現場歌劇表演. 可能新開張嘅關係, check-in counter 打哂蛇餅, 正門啲車又亂停, 的士站又係大排長龍. 仲有我發覺所有酒店 description 只有英文同簡體中文, 我估即係主要對像係國內同袍. 第三樣要做就係大吃大喝, 呢方面我就失敗, 好彩有爸媽作嚮導帶我地食葡國餐同水蟹粥. 講開葡國餐一路都想試好 high 嘅陸軍俱樂部, 好可惜呢次去到先知原來著短褲係唔入得, 最後去咗沙利文度食, 都好正!! 仲要係阿賢請客, 真係多謝哂!!
呢次最差勁就係輸咗幾舊水, 原本都唔打算玩, 衰在我地七點幾到碼頭諗住買飛走人, 點知唔知點解勁多人, 最早有飛果班竟然係 1:10AM, 磨幾粒鐘都唔知點算... 好彩比我搵到貴少少嘅 10:00PM 黃牛飛, 就係因為有兩個鐘空擋所以去咗永利...
對於一個唔賭開錢嘅人, 輸幾舊係會唔高興...
沒有留言:
發佈留言