上個禮拜香港討論區單車版版主攪咗個小輪徑上水豆腐花團, 由於天雨關係取消咗. 早幾日發覺呢幾日天氣好正, 咁啱我又放星期六日, 於是急急地自己攪返個, 反應都好好, 最正今次最正唔係一面倒 Dahon 或制服車 Dahon Speed P8, 六大品牌 (Birdy, Dahon, KHS, LG, Tyrell, Venzo) 小輪徑全部齊集, 響元洲仔嘅大合照尤其壯觀!! 值得一提係大合照排第一果架 Dahon Mu P8 係屬於一個荷蘭人, 佢嚟香港旅行帶埋架車嚟踩, 我地要請埋佢 join 我地, 可惜佢只參加大合照... 點都好在我嚟講今次令我最開心除咗係個團攪得好成功之餘, 之前為呢類單車團所買嘅 Louis Garneau MV-F 同 Ricoh GR Digital II 完全大派用場, 仲有收埋咗好耐嘅 409MHz 對講機亦響呢類大 party 非常有用!下次攪團睇吓去邊先, 以我所知下星期日有個小輪徑次深圳踩上廣州, 可惜我要返工...
沒有留言:
發佈留言