喜歡 X Japan 已經十二年前嘅事, metal 聽唔少, 唔知點解特別鍾意佢, 咁打鼓同鋼琴都咁勁嘅隊長 YOSHIKI 亦都係主要因數.
第一次睇佢地嘅 live, 亦都係第一次自己一個睇音樂會... 佢地 Live 嘅 DVD 都睇唔少, 都知道咁多年型式唔會大變. 前晚冇興奮到瞓唔著, 亦冇特別期待. 一如以往, 開場一路播 YOSHIKI 果首 Amythest 一路介紹佢地出場, 果刻我已經頂唔順喊出嚟... 呢個開場 DVD 睇過唔少, 咁多年都冇變, 咁多年我都仲覺得好型, 親身感受果種感動非筆墨能夠型容!! 從佢地解散再死埋 hide 諗住呢一生人都唔會有機會親眼睇到佢地嘅 live, 如今夢想成真!!!
死而無憾!!
-
下年派利是, 今年當然一定要搏盡!! 額頭寫住 "厚顏無恥" 四個字, 響機場到處恭賀大家, 舊公司更成重災區!! 結果成績破哂咁多年嘅紀錄, 勁呀!! 利是真係開心, 派利是都應該係, 至少第一年派係掛... 我估... -
之前幫襯沙田順利單車都係啲濕碎嘢, 呢次搵佢地搞套 Avid 油壓碟剎時同時又見到另一毒物 --- Race Face XC Deus . 呢套餅最吸引我就係紅色, 同一價錢嘅 KCNC K-type XC1 我考慮咗一陣就扑鎚!! 換餅同時換咗個舊款 Shimano Deor... -
KCNC 呢套 V brake 殺氣太大, 睇真啲同芒果真係絕配!! 單車亭阿偉話幾難裝, 個 design 為咗偷輕, 用返好多舊設計, 調校較麻煩... 裝完可以了咗件心事, 唔使成日心思思...
沒有留言:
發佈留言