嘥氣

亞視新聞話美國同日本專家初步發現早幾日沖繩爆炸嘅華航 B737-800 係油喉用錯螺絲攪到掂地果吓爆喉, 正如地面人員話見到架機響地面漏油漏到噴泉咁... 如果屬實, 呢間 airline 真係害人不淺, 每隔幾年就一穫勁嘢!! 好彩呢次冇死人, 如果唔係就慘!!

諗返之前幫佢做嘢真係幾攪笑, 勁多門面嘢, 例如 refueling 唔上得客, 郁啲就響 tech log 寫句 suspect hard landing 就攪到人地大龍鳳開哂壇做餐死, 攪咁多嘢都係嘥氣, 間嘢係茄就係茄, 飛行安全唔係靠門面嘢就得. 仲有平時為咗慳錢, 飛機埋位唔著 APU 要上電上冷氣, 上果啲又辛苦, flight crew 同客又熱到跳舞. 好似夏天尤其是 B744 咁, 好多時上唔夠半粒鐘啲 flight crew 已經媽聲四起急急要求著返 APU, 咁我地又要即刻拆返, 真白痴!! 好似呢單嘢咁, 慳埋啲錢都唔夠架機 total loss...

今日同阿駿仲有家俊行咗成日玩具舖, 無意中響信和三樓用 $99 入咗隻度度都炒到 $198 嘅幪面超人 V3 頭, 正到爆!! 仲有 Catherine 個 friend 有隻 cheap 雞遙控直升機唔要送比我玩, 真過癮!! 聽日如無意外架烈火戰車到貨, 好期待!! 我諗住星期六天氣好就帶佢到東涌走轉, 聽阿駿講東涌踩到欣澳好正, 順便試吓今日幫佢揀嘅 Panasonic LX2. 講開 LX2, 我都勁鍾意, 不過我會等下一代. 另外 Nikon 一次過公佈半專業嘅 D300, 同專業嘅 D3, 兩部都好堅尤其是 D3 係 full frame!! 我鍾意 Nikon 多過 Canon!! 連 Nikon 都出 full frame 機咁其他牌子都可能好快有.