今朝收工單車舖打比我話芒果呔有貨, 忍唔住返到屋企即刻攞架車出去換, 一來心急二來聽日星期六舖頭實好忙, 費事阻住人. 由於今晚要加班返多晚夜, 出去果程搭 810 算, 摺車真係太方便!
響單車舖換呔果陣仲見到架大芒果 Dahon Speed Pro TT. 換完返去果程當然要試吓對新呔, 由於比原裝幼咗好多, 感覺架車好去好多, 同時又比以前蹬好多. 呢架車嘅所謂改裝我諗應該告一段落, 再花嘅錢貴過車價我又唔係好想, 寧願第日 keep 到呢個興趣再買多架好啲嘅如 Birdy 仲好. 至於 carbon 坐通, 由於搵唔啱所以暫時擱置.
希望聽朝收工返去瞓兩粒鐘夠精神走轉!
沒有留言:
發佈留言