正途

同平時一樣, 返通宵之前走返轉, 今次約蘿蔔響元洲仔等, 超多人... 其實佢都約我好幾次, 只係大家工作時間唔同就唔. 原本我諗住吹一陣回程留返今日收工先踩遠, 點知佢話冇理由就咁散水走轉大尾督好快咁話... 好啦好啦... 去去突然話帶我去得意地方, 經過一輪兜兜轉轉, 去到一個類似漁村地方, 果度屋一排兩層高, 人坐哂出傾計, 唔知點形容總之好有 feel, 目的地原來係一間雲吞麵檔, 老實講雲吞真係幾好味!! 踩車除 relax 同鍛練身體意志外, 最正都係四處遊歷, 今朝同賴輝講呢樣佢問我係唔係好似一班人幾架車四圍去咁, 我覺得唔同, 我覺得單車過癮, 但唔識具體點講... 我諗踩車感覺大家 close 互動原始, 所以過癮掛.

沉晚返工真係一流, 做一架機咁大把, 到 7am 數埋都有四粒鐘, 今日收工唔使, 寫完呢篇又可以出車. 做呢間公司差唔多兩個月, 感覺比想像中好, 同事可能大家都係 HAECO 出身, so far 大家都對我冇乜, 令我放心唔少, 因為去到新環境最怕係唔夾人. 做一排覺得自己選擇係冇錯, 冇理由留響一個前途同錢途都冇而且無謂規矩多多地方. 就算唔捨得同事, 好似而家我地都仲成日見, 間唔中又返去佢地吹水又掂! 而家起碼同人講自己做乜工作都型... 以前真係唔知我份人工以為好型, 知道就笑死人果隻, 醜死鬼!! 唯獨是工作時間長同要做返細冇咁爽... 之前果度話哂都算係老屎忽, 不過睇錢份上唔理得咁多!!

今晚要去睇 LCD TV, 事關沉晚出門口前部古老 Panasonic 電視突然出煙死亡. 唉... 之前想換又唔見佢壞, 而家唔想換住就死, 我仲有其他計劃如新 Monocoque 車架象牙白色 Birdy Deore LX 或紅色 KHS F20-RAC, 我唔想用咁多錢買第二往, 但 Catherine 話佢鍾意睇電視而且一部可以用幾年所以要我買部好咁話...

灰... 你地話唔轉工點得...