阿駿由細到大都鍾意畫公仔, 買 figure 亦係佢嗜好之一. 十幾年前識佢果陣已經好鍾意儲美國漫畫人物 figure, 有直頭一款買兩隻, 一隻玩一隻儲, 果陣我覺得佢痴痴地. 佢一向都有 DIY, 最近佢終於吐氣揚眉!! 由於上年佢參加毅行者, 佢以毅行者為主題整套 figure, 仲整埋我個樣 (見圖), 似唔似呀?? 不過無用到!! 之前我呢度都講過幫過佢 figure 影相放響佢展覽度, 而家行山用品公司 Columbia 直頭睇中公仔搵佢響佢地舖頭擺展覽, 最近仲比今期壹週刊訪問埋!! 我同佢講唔理將來點都好, 至少而家都威過呀!!
阿駿成績令我諗起對上份工上個月又走兩個同事都係轉行唔做機場, 講真我都對自己份工亳無興趣, 工作對我講只係為生... 所以有一次聽見 Catherine 話鍾意返工鍾意佢份工作我都幾羡慕. 好似同我一齊做同事有一個係大學畢業, 我都同佢講有個 degree 響度踎好似有浪費咁, 比著我就一定出去闖唔再撈機場...
咁我理想係點?? 之前響呢度提過話玩音樂, 講真邊有可能?? 不如呢個 blog 有人賞識比人買起又或者搵我寫同 gadget 有關, 以 Gadget King (有朋友咁叫過我) 為名響 HIM 呀 GQ 呀寫男性玩物都好喎!! 又有得玩又有錢賺... 話時話以前玩 hardware 瘋狂果陣真係有個星加坡網站搵過我寫 product review, 只係佢地乜 support 都冇, 連問廠借做 testing 都要自己攪所以冇做到.
希望阿駿呢次可以達成佢夢想, 唔好話轉到行, 就算佢 figure 可以量產, 相信佢都無憾!!
一陣阿賢打機, 我已經買壽司同飲品招呼佢, 而我最近操返部 XBOX 360, 發覺手掣用 GP 2100 mAH 叉電死死地, 所以頭先買兩排 Sanyo eneloop 逐步陶汰舊叉電.
沒有留言:
發佈留言