2008年8月27日
草蜢仔
之前講過話三號車會揀綠色 Strida 或 A-Bike Plus, 陰差陽錯入手法蘭西罕物 Mobiky Genius, 一樣係綠色, 比 Strida 靚, 但同時比佢貴同重, 成 28lbs. 咁重主要係佢機關較多, 不過唔緊要, 佢設計原意係三秒超快收摺跟住比你推住行, 冇乜機會比你攞住, 因為就算輕如 A-Bike 5.5kg 長期咩住響背脊都幾攰.
呢個世界冇完美嘅嘢, A-Bike, Strida 同而家呢架各有各好壞... 首先講吓 A-Bike, 真係摺得細同最輕, 但犧牲乘騎性, 平路短程駁腳一流. Strida 收摺最簡單仲可以推住行, 但較大同較重, 同 A-Bike 一樣單速, 似乎最 balance 嘅一部. Mobiky Genius 啲人來來去去都係批評貴同重, 正就正在真係可以摺得好快, 乘騎性最好因為有經典老牌子 Sturmey-Archer 內三速!! 仲有一樣係我接觸真車先知就係佢造工一流好紮實, 佢個設計真係好精巧, 唔怪知要用歷時兩年及 100 萬美元嘅投入開發啦. 其實最鍾意就係佢同我部 LG 一樣極罕有, 響香港同人撞款幾乎等如零. 其實仲有 Pacific CarryMe, 佢有 Speed Drive 版但我唔鍾意佢摺法所以唔諗.
響新港城郵局收件後即時就地開箱踩返屋企, 唔使睇 manual 都搞得掂超過癮!! 等我過兩日 dayoff 走轉吐公認真試吓車兼影返啲相先.
訂閱:
發佈留言 (Atom)
給十年前的我
我估應該都唔會再有人睇呢個 blog... 成差唔多十二年冇再 update 究竟呢十年發生咗啲咩事?我可以話俾大家聽我嘅人生都係一塌糊塗... 我依然都係呢間公司做,最長呢份工做咗到十一二年左右掛,胡呢糊塗由初初諗住做個 hea 霸變咗做個掃把,最近仲轉部門轉咗一個唔使掂飛機...
-
我好錫車, 每一次出完車都會洗乾淨, 有時會打埋臘. 通常簡單嘅如 set 吓 brake 換吓呔都自己搞吓, 其他就落單車舖. 最近架 LG 條鏈有少少嘈, 比阿偉睇佢話冇嘢!! 好啦, 叫佢幫我落少少鏈油啦, 佢又話唔使. 真實我啲車好少落鏈油, 咁不如自己買支自己搞. 去咗...
-
兩年前 DIY 過部 Pioneer A05, 沉日終於打柴, 裡面有嘢散咗仲整花咗隻吉碟. 於是今日去旺電一樓買咗部黑面 Pioneer DVR-110, $340 真抵!!! 之前 A05 米白色冇咁原裝 feel, 呢次 perfect. 由於我間得 20GB 比 Tig...
-
呢一排返早之前成日眼光光等天光, 就算瞓得著都係個零鐘, 所以起身返早係好痛苦. 唯一嘅舒緩就係巴士上有 Shure SE530 同 iPod touch 呢個靚聲組合, 每次聽都好享受!! 正如好耐之前提過 iPod Shuffle 推出後, 我將 32GB MP3 rando...
5 則留言:
請問你是從哪裡購入, 哪裡給你保養? 香港有代理嗎? 還有... 購入價多少HKD?
香港冇代理冇保養, 買入差唔多成 $6000... 最近我有其他嘢想買而放盤, 賣 $4500, 有意請留 email, 只踩過幾次超新淨!!
又係我, 其實我叫 Uto, 我 search 過又看過你 Post D 相, 資料, 評價評論等, 真不錯! 但唔好介意, 無保養我係有點點擔心...
Still Mouth-watering... Let's see if 我同 your Mobiky 有無緣份啦... Thx!
Uto
我有興趣,請問賣出左未?
pccoco128@hotmail.com
發佈留言