升級

Olympus E-P1 係將史前 Olympus Pen 現代化, 雖說 Micro 4/3, 但唔係特別細部, 原先想將佢代替 Ricoh GR Digital II, 不過有幾樣嘢令我卻步. 第一就係冇內置閃燈, 作為隨身機唔夠全面; 第二兩支鏡都唔太啱心水; 第三就係太貴. 諗諗吓 Micro 4/3 市場係針對有少少要求又嫌 DSLR 大部嘅人用, 代替唔到 DC 仔同 DSLR. 反而之前我覺得勁樣衰嘅 Panasonic Lumix G1, 細心研究之後發覺同樣 Micro 4/3 佢好玩好多. 主要係 flip LCD 同強勁嘅 EVF, 不過就衰在冇機身防震. 如果我冇 Panasonic Lumix L1, 我會入呢部做旅行機. 細心啲諗 Panasonic 用縮水 DSLR 做外型似乎係想話比全世界知, 冇 DSLR 反光板呢個包袱, 可以整部咁嘅換鏡嘅數碼相機出嚟, 彷彿係對將來數碼相機一個革命.

Pentax K-7 終於開始響各大電器舖做 demo, 淨 body 差唔多一皮嘢, 莫財但好想快啲擁有, 有時間去試試先!!