長假

個個都問我十幾日休息去邊度玩, 我同佢地講: "莫財!!"

放咁多日又唔去旅行真係幾無聊, 其實我都有少少計劃. 過兩日可能跟爸媽返廣州, 事關我地間屋入咗伙好耐我都未去過, 而且啱啱又裝修完. 之後我會返澳門影吓文化遺產, 順便想睇吓廿八號開嘅威尼斯人度假村.

成日從屋企送 Catherine 搭小巴返屋企都要行十分鐘, 送完自己行返屋企又熱又悶, 於是佢提議不如買架單車, 順便做吓運動減肥. 佢叫佢舊同事 Andy 幫手因為 Andy 係單車狂熱分子. 我同 Andy 講我想要架摺車, 佢於是搵佢相熟嘅單車舖訂咗兩架比我揀, 可惜早排唔得閒去睇, 到我得閒就輪到佢唔得. 咁我問佢關於果兩架車嘅嘢... 嘩!! 原來一架要 $1500 另一架要 $1800!! 我初初諗住幾舊水玩吓咋喎... 點知上星期放工同蘿蔔搭車傾開先知原來佢又係單車狂熱分子, 佢介紹咗隻叫 Dahon 嘅摺車比我. 咁我第二日問 Andy, 原來佢叫朋友幫我訂果兩架就係 Dahon. 咁我不停咁做功課, 又去舖頭睇車, 得結論係貴少少改裝潛力更大嘅 Dahon Speed P8. 咁啱我去 Andy 相熟嘅單車舖前落屋企附近嘅單車舖響問吓 Speed P8 竟然撞到兩個唔係咁熟嘅朋友 setup 緊架 Birdy, 同佢地傾開先知 Speed P8 已經停產, 叫我買新出嘅 Speed P9, 色靚啲料勁啲, 果間單車舖老細話果兩個朋友係熟客可以平比我由原價 $3400 減到 $2900 有交易... 痴線!! 越買越貴!! 咁我打比蘿蔔問佢都話正, 淨係個樣都值貴 Speed P8 $1000. 於是落 Andy 果間先知訂果兩架係 Vitesse D7 同 Speed D7. 返屋企猛搵料, 由於 Speed P9 比較新所以好難搵相, 連官網都冇呢隻 model. 最後搵到睇完啲相同資料真大穫!! 架車芒果黃襯黑好靚!! 即刻打比 Andy 果間幫問價, 佢話未訂過呢隻要問代理, 而蘿蔔幫我問佢果間都做到 $2900, 睇吓邊個平幫邊個買.

我嘅座右銘係: "有買貴有貴錯".

買貴啲唔係問題, 最緊要買咗冇幾耐後悔心思思想買部好啲就慘. Andy 知我搵 Speed P9 都同我講當初幫我搵千幾果兩部都估唔啱我, 佢知我不嬲對玩嘅嘢有少少要求...