沉睡中

由於星期日凌晨搞咗個大尾督睇日出團, 所以今朝返完夜收工嗱嗱淋去旺攞返個正式車牌先!! 跟住去旺電同高登睇 LCD monitor, 點解??

之前都提過吓部枱燈 iMac G4 死咗, 即係等於冇哂 MP3, HIFI 死亡, 搞到要成日開 now TV 嘅音樂台先有歌聽, iPod 又過唔到歌... 去福仁商場 MAC House 問過 check 機先比 $350, 多數死火年再比多 $900... 我響 Yahoo 拍賣見二手只賣 $2500 左右, 而且佢行 Mac OS 10.4 performance 越來越差, 好簡單 iTunes 改歌名都勁出沙灘波, 又碰啱細佬話放棄佢部 PowerMac G4 Digital Audio 比我收養, 叫我好好地對佢喎. 我係 Apple 迷, 一定會好好對佢!! 由於一年前放棄買新 Mac 行 dual OS, 而買咗價性比較高嘅 HP 17" laptop, 所以唔會放咁多 budget 落 Mac 度住. 有見細佬唔捨得咁比部機我, 即時準備少少補品比佢. 由於部大改 iMac G4 內果隻 300GB ATA100 HDD, 生於 2001 年嘅 PowerMac Digital Audio 係認唔到, 比 Mac 用嘅 IDE controller 又絕咗種搵咗成個星期都落空, 於是去電腦墳場新高登搵二手 parts, 目標係一條 512MB PC133 SDRAM (細佬同我已經各有一條) 打爆三條 RAM slot, 然後一隻 120GB HDD 做 system 同 iPhoto 儲相, slave 就用原本隻 80GB 做 BT, 300GB 就裝響 external firewire HDD enclosure 做 iTunes database. 跟住響 ebay bid 咗張 ATi Radeon 9700 Pro 同行 NEC chipset 嘅 USB 2.0 card, ATi 係嚟代替原本張 nVidia Geforce 2 MX 因為 ATi 果張 performance 好好多仲 support Mac OS 10.4 嘅 Core Image, 而 USB 2.0 card 其實好多地方有就賣, 只係同一個 ebay seller 賣個價錢又可以同張 display card share 運費, 所以幫佢買埋. 最後就係物色 22" LCD monitor... 其實可以用返隻 Philips 20", 但同 HP 行慣 dual display 唔捨得唔用. 於是睇中對比度 8000:1 同熱感制嘅 Samsung 2253BW, Mac OS X 一定要出靚 monitor 先得嘛!!

等集齊所有嘢再報導!! 仲有圖中嘅鎖街 Louis Garneau MV1 係響黃金出面見到, 當然都係我架正好多啦, 哈哈!!