一年一度

唔係刻意一年一度搞大型車聚, 只係一時心血來潮.

同預計差唔多, 三十架車, 孖橋大合照幾巴閉. 呢類團最啱新手同 hea 人玩, 自從上次大炒後就同自己講唔再踩公路, 條命矝貴嘛!! 今次一如以往, 認路成日要 recall 返啲記憶, 去過好幾次都咁話. 去到大家諗住一路食一路交流, 點知人多到插針都插唔入, 全場比長者們攻陷, 咁耐都未見過咁!! 最激就係成班阿婆男廁都唔放過, 不過我都少理, 阿婆響我後面我都唔理照響尿兜疴. 人咁多都食唔到, 唯有好似上年咁去埋寶生園養蜂場飲檸蜜, 十蚊杯真係賺死佢!!

豆花團已經去到有啲麻木, 不過返到去見佢地留言話好好玩我都好滿足!! 下次真係要搞下士多啤梨團, 要搵個人肉 GPS 至得...